Бонуи қадбаландтарин

Румайсо Гелги соли 1997-ум дар шаҳри Сафранболуи Туркия чашм ба олами ҳастӣ кушод. Баландии қади ӯ ба 2 метру 15 см мерасад, ки зани қадбалтарин дар рӯи дунё ба шумор меравад. Румайсо гирифтори бемории генетикии нодир бо номи синдроми уивей мебошад. Афзоиши ғайримуқарарӣ аз ҳисоби ҳамин беморӣ сурат мегирад. Ин беморӣ хеле кам буда, аввалин бор дар Туркиё ба қайд гирифта шудааст. Одатан ин духтар ба воситаи арбачаи маъюбӣ ҳаракат мекунад. Аммо тариқи пиёдагард (ходунок) низ роҳ меравад. Гелги эътироф намуд, ки наздикону атрофиён ӯро дастгирӣ намуда, аз рекордӣ ӯ фахр низ мекунанд. Ин зани қоматбаландтарини дунё тамошои филмҳо ва рафтани тарабхона бо аҳли оила ва шино намуданро дӯст медорад. Румайсо ҳамчун таҳиягири веб фаъолият намуда, мехост аз мавзеҳои тамошобоби Туркиё дидан намояд. Барои сафар намудан тавассути тайёра ба ӯ лозим омад, то шаш ҷои мусофиро ишғол намуда, дар болои замбар ба таври дароз кашидан парвоз намояд. Одатан ба ин васила танҳо дар ҳолатҳои фавқуллодаи тиббӣ метавон сафар намуд. Аз сабаби мушкилӣ дар сутунмӯҳра ва дарди буғумҳо ӯ наметавонад беш аз ду соат дар як ҷо нишинад.