Модари кӯҳансолтарин

Эрраматти Мангамма аз Ҳиндӯстон аз ҳама модари кӯҳансолтарин дар дунё ба шумор меравад. Ин зан панҷуми октябри соли 2019 ба таври ЭКО дар синни 73 солагӣ дугоник таваллуд намуд. Айни замон модари хушбахт 76 сол дошта кӯдакҳоро танҳо ба воя мерасонад. Ҳамсари ӯ солҳои дароз орзуи падар шуданро дошт. Аммо ба ӯ танҳо муддати як сол дидори фарзандонаш насибаш гашту халос. Эрраматти ва шавҳари ӯ   Раҷа Рао аз Ҳиндӯстон мебошанд. Ин ҷуфт 22 марти соли 1962 хонадор шуда буданд. Духтурон Эрраматтиро безуриёт арзёбӣ намуда, ба шавҳараш пешниҳод намуданд, ки ба хотири тавлиди фарзанд аз нав оиладор шавад. Онҳо ҳамдигаро дӯст медоштанду аз ҳам ҷудо нагаштанд. Соли 2018 онҳо аз ба таври сунъӣ бордор гаштан дарак ёфтанду ба духтурон муроҷиат намуданд. Новобаста аз синну сол табибон саломатии занро хуб гуфта ба ӯ имконияти модар шуданро доданд. Пас аз нӯҳ моҳ ин зан ба воситаи ҷарроҳӣ соҳиби ду духтараки дӯстрӯй гашт. Он замон бештари одамон онҳоро мавриди танқид қарор дода буданд. Лекин модар хушбахт аз он буд, ки орзуи тамоми умрашро амалӣ гардонд.