23 МАЙ - РЎЗИ ҶАВОНОН

Ҷавонтарин вакил

Интихоботи вакилони Маӌлиси намояндагони Маӌлиси Олии Ӌумҳурии Тоӌикистон 1–уми марти соли 2020 доиргашта, барои ӌавонон дар парлумони кишвар роҳ кушод. Хурсандиовар аст, ки мардум ба насли ӌавон итминон доранд. Интихобкунандагон бар он боваранд, ки ӌавонон баҳри беҳбудиву рӯзгори хуши онҳо кӯшиш ба харӌ медиҳанд.

Воқеан, вакил бояд манфиатҳои интихобкунандагон, алалхусус мардуми одиро дастгирӣ намуда, қобилияти хуби дарки вазъи ӌомеа ва андешаи пайдо намудани роҳи ҳалли онро дошта бошад…

Қаҳрамони мо Сарвиноз Маӌидова аз зумраи ӌавонтарин вакил аз Ҳизби ислоҳоти иқтисодии Тоӌикистон аз ҳавзаи якмандатаи Бохтар № 26 ба сафи вакилони Маӌлиси намояндагони Маӌлиси Олии Ӌумҳурии Тоӌикистон интихоб гардидааст.

Ошноӣ

Сарвиноз моҳи сентябри соли 1986 дар шаҳри Бохтари вилояти Хатлон дар оилаи зиёӣ ба дунё омадааст. Волидон дар тарбияи фарзандон заҳмати зиёд кашида, ҳар якеро соҳибмаълумот гардонданд. Ӯ пас аз хатми мактаби таҳсилоти миёнаи умумии №34 ноҳияи Рӯдакӣ соли 2004 ба факултети соҳибкорӣ ва менеӌменти Донишкадаи соҳибкорӣ ва хизмати Тоӌикистон бо ихтисоси иқтисодиёти ӌаҳон ва менеӌменти байналмилалӣ дохил гашт.

Дар муддати начандон тӯлонӣ бо донишу маҳорати баландаш дар байни омӯзгорону ҳамсабақон шинохта шуд. Мавсуф донандаи хуби забонҳои русӣ ва англисӣ аст. Хушоянд аст, ки ӯ пайваста савияи дониши худро бо хондани адабиётҳои хориӌӣ тақвият мебахшад. Натиӌаи заҳматҳояш буд, ки соли 2009 донишгоҳро бо дипломи аъло хатм намуда, бо тавсияи устодон соли 2010 ба аспирантураи Институти иқтисодиёти Академияи миллии илмҳои Тоӌикистон шомил гашт. Сарвиноз дар ин даргоҳи илм гирандаи стипендияи Президенти Ӌумҳурии Тоӌикистон буд.

Пас аз итмоми аспирантура соли 2014 ҳамчун ходими калони илмии шуъбаи таҳқиқоти иқтисодиёти воқеии Институти иқтисодиёт ва демографияи Академияи миллии илмҳои Тоӌикистон ба фаъолият пардохт.

Муаллифи як монография ва 14 мақолаи илмист. Соли 2017 Сарвиноз Маӌидова аз тарафи Академияи миллии илмҳои Тоӌикистон бо ӌоиза ва дипломи олимони ӌавон сазовор дониста шуд. Пас аз 9 соли такопӯи ӌӯёи илм, ниҳоят дар соли 2018 рисолаи илмиашро дар мавзӯи «Таъмини баланд бардоштани рақобатпазирии истеҳсоли маҳсулоти соҳаи кишоварзӣ дар кластерикунонӣ (дар мисоли Ӌумҳурии Тоӌикистон)» бо роҳбарии доктори илмҳои иқтисодӣ Мавзуна Каримова ҳимоя намуд.

Ӯ аз соли 2019 дар Академияи идоракунии давлатии назди Президенти Ӌумҳурии Тоӌикистон ба ҳайси омӯзгор фаъолият мебурд.

Вакилӣ душвор аст?

- Ба ақидаи ман, зан, ки хеле дили ҳассос дораду дақиқназар аст, аз иӌрои ҳама кор бо дилпурӣ мебарояд. Мекӯшам то ба боварии мардум сазовор бошам ва баҳри беҳтаргардонии ҳаёти сокинони мамлакат хизмат намоям. Кумитаи мо, ки оид ба қонунгузорӣ ва ҳуқуқи инсон аст, қадам ба қадам пайи омӯзиш ҳастам. Ҳадафи асосии барномаи пешазинтихоботиам, ки баҳри баланд бардоштани савияи донишандӯзӣ, мактабу маориф, дастгирии ӌавонону занон аст, саъй менамоям. Вакил бояд сазовори боварии мардум бошад,- иброз медорад Сарвиноз.

Ба ақидаи вакили Думаи давлатии Россия Т. Воронова «Агар сиёсатмадор имкони ояндаро ташкилу эӌод карда натавонад, пас вай сиёсатмадор нест». Вакилони мардумӣ ҳамеша дар андешаи тасвири хушбахтии ояндаи ӌомеа бояд бошанд.

- Дар вохӯриҳо мардум моро самимона пешвоз мегирифтанду бо як ҳисси эҳтиром муносибат мекарданд. Нигоҳҳои пурмеҳр, изҳори боварии сокинон ба вакили худ ва, ҳамчунин, гӯш додан ба мушкилоти мардум маро ҳамеша ба фаъолият водор месозад. Дарди мардумро шунидан кори ҳар як вакил аст.

Ба гуфти вай, мардум озодона метавонанд бо вакилони хеш вохӯранду суҳбатҳо анӌом бидиҳанд. Барои қабули шаҳрвандон дар Маӌлиси намояндагони Маӌлиси Олии Ӌумҳурии Тоӌикистон ҳуӌраи махсус ӌудо шудааст. Ҳамчунин, аз рӯи нақша вакилон ҳамасола аз моҳи июн барои вохӯрӣ бо мардум сафарбар мегарданд.

Сарвиноз Маӌидова дар баробари корҳои давлатӣ вазифаи модариро низ бар дӯш дорад. Ифтихорманд аст, ки дар кишвари ободу осоишта умр ба сар мебараду соҳиби оилаи солим аст.

- Бо оғози фаъолияти вакилӣ дар парлумон баҳри рушду низоми қонунгузорӣ диққати махсус зоҳир менамоем. Мекӯшам то баҳри халқу миллат кори хуберо ба сомон расонам. Барои амалӣ гаштани орзуву ниятҳо имкониятҳои хуб фароҳам аст. Ғамхориҳои Ҳукумати кишвар баҳри бонувон равона гаштааст. Мо аз эҳтирому самимият, дастгириҳои пайвастаи Асосгузори сулҳу ваҳдати миллӣ - Пешвои миллат, Президенти Ӌумҳурии Тоӌикистон муҳтарам Эмомалӣ Раҳмон рӯҳу илҳоми тоза гирифта, пайи ободии Ватан камар бастаем,- бо қаноатмандӣ афзуд Сарвиноз Маӌидова.

Итминони комил дорем, ки вакили ӌавон ва донишмандбону Сарвиноз Маӌидова баробар бо дигар вакилон ба қавли Сарвари давлат муҳтарам Эмомалӣ Раҳмон «… ба сафарбар намудани неруи зеҳнӣ ва донишу таӌрибаи худ дар рушду низоми қонунгузорӣ, боз ҳам беҳтар намудани сифати қонунҳо, таҳкими заминаҳои ҳуқуқии давлат ва ӌомеа нақши назаррас мебозанд».

 Фарзона Восеева