ЭМОМАЛӢ РАҲМОН – ҚАҲРАМОНИ ВАҲДАТ

Президенти Тоҷикистон намунаи ибрати аз зӯроварӣ даст кашидану ҳалли зиддияти дохилимиллиро нишон дод.

Кофи АННАН,

Дабири кулли Созмони Милали Муттаҳид, 22 июни 1999

Истиқлолият ба Тоҷикистон Эмомалӣ Раҳмонов – ин сиёсатмадори дараҷаи ҷаҳониро дод. Имрӯз ӯ машҳуртарин фарзанди Тоҷикистон ва тамоми тоҷикони ҷаҳон ва дӯсти ҳақиқии Афғонистон аст.

Аҳмадшоҳи МАСЪУД,

Қаҳрамони миллии Афғонистон

Тамоми дастовардҳои даврони истиқлоли кишвар ва ваҳдати миллии мо қадамҳои бебозгаште ба сӯи мақсадҳои олии милливу ватанӣ гардиданд. Ваҳдати миллӣ омаду гир­яи кӯдакону ашки модаронро аз рехтан боз дошт. Шодиву хурсандӣ пойдор, сулҳ ҳукмрону ободӣ бардавом гардид.

Низорамоҳ ЗАРИФОВА,
ходими давлатӣ

Ташаккур ба Эмомалӣ Раҳмон, ба Президенти Ҷумҳурии Тоҷикистон, ки ғами ҷони худро фаромӯш карда, ғами халқу ватанашро мехӯрад. Ба андешаи ман, маҳз ӯ бо оби рӯди муҳаббату дарёи дилаш ота­ши ҷанги хонумонсӯзро хомӯш кард.

Қозидавлат ҚОИМДОДОВ,

арбоби давлатӣ, дипломат

Қувваи Президент Эмомалӣ Раҳмон дар наздикӣ бо мардумаш ва мустаҳкамии он пайвандҳоест, ки бо халқи хеш дорад, ки худ намояндаи он аст.

Раҳим МАСОВ,

академик, доктори илмҳои таърих

Нақши таърихӣ ва тақдирсози Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар он аст, ки тавонистанд шамшери хуношоми ҷангро ба қалами ҷонбахши имзои Созишномаи умумии истиқрори сулҳ, парокандагиро ба сарҷамъӣ, нафрату бадбиниро ба муҳаббату самимият, харобиро ба гулгулшукуфоӣ, фақру нодориро ба баракату пешрафт иваз намуда, намунаи беҳтарини таҳаммулпазирӣ, футувват ва ватандӯстиро ба мардум нишон диҳанд.

Махфират ХИДИРЗОДА,
муовини раиси вилояти Хатлон

Фақат ҷанг набошад шуд, он гоҳ ҳамеша баҳор хоҳад буд. Ман аз сулҳ дар Тоҷикистон ниҳоят мамнунам. Инсони боҷасорату хирадманд – Президенти Тоҷикистон тавонист формулаи сулҳи ҷанги бародаркушро ёбад…

Расул ҒАМЗАТОВ,
шоири ҳалқӣ, Қаҳрамони Меҳнати Сотсиалистӣ, соли 2003

Ӯ бо варзидатарин сарварони ҷаҳони имрӯз метавонад бо қадду қомати тоҷикии худ паҳлу ба паҳлу биистад, итминону бовараш ба Тоҷикистон, ба ояндаи дурахшони он дар нигоҳи меҳрбораш шаъшаа мепошад.

Камол НАСРУЛЛО,

Шоири халқии Тоҷикистон