РОҲНАМОИ ЗИНДАГӢ

Дар  минтақаи  Рашт  давоми  соли  сипаришуда  чандин   навгониҳо, аз ҷумла  сохтмону  азнавсозӣ ва пешрафти    таълиму  тарбияи   ҷавонон   ба миён омаданд. Тавре ба мо  дар  сӯҳбат  муовини  раиси ноҳияи Рашт    Зумрат  Лоиқова   иброз  дошт, имрӯзҳо  дар  14  чамоати  деҳоти  ноҳия, раиси  ноҳия  дар  якҷояги  бо   масуълини  шӯъбаҳои  назди  мақомоти  ноҳия  оид  ба    Паёми  Президенти  кишвар вохӯриҳо  гузаронида   истодааст. Дар Пайёми Сарвари давлат   оид ба  баланд  бардоштани  маоши  сохторҳои  давлатӣ,   буҷавӣ  ва ба хусус,  маоши  омӯзгорону   табибон сухан рафт, ки ин як иқдоми хубе ҳаст. Инчунин, соли  2015 эълон  гардидани «Соли оила» назди  сохторҳои  ҷамъиятӣ вазифаю масъулияти дигарро пещ мегузорад, то масъулон  бо иштироки табақаҳои гуногуни аҳолӣ машваратҳо   гузаронида  моҳияти ин тадбирро бозгӯ намоянд. Мардуми   ноҳияи  Рашт ҳама дастуру супоришҳои  Президенти   кишвар Эмомалӣ  Рахмонро   ҷонибдорӣ карда,  баҳри татбиқи ин ҳадафҳо чораҳо меандешанд. Раиси   ноҳия   Қаноатшо   Лоиқов  ва  масъулини  дигар масоили рушди соҳоти минтақа, оилаю оиладорӣ, никоҳи  хешовандӣ ва дигар паҳлуҳои муҳими ҳаёти иҷтимоию иқтисодиро баррасӣ намуда тадбирҳои саривақтӣ меандешанд. Яке аз чунин тадбирҳо ташкилу гузаронидани мулоқоту вохӯриҳо бо мардум аст. Вобаста ба Пайёми  Президенти  кишвар дар ноҳияхои  Нурободу Ҷиргатол, Тоҷикободу  Тавилдара  ва  Файзобод,   инчунин  шаҳрои  Роғуну  Ваҳдат  мулоқоту маҳфилҳои судманд доир гаштанд.                                                      

 Зебо  Давлатова