ПЕШВОИ АСРИ 21

– муаллифи барномаи нави ҷаҳонӣ – сулҳи тоҷикон аст, ки имрӯз олам эътирофаш кардааст.

– эҳёгари давлатдории тоҷикон аст.

– ба хотири ояндаи миллату пойдории давлати тоҷикон бо ҳама роҳи пайванд  меҷӯяд.

– барои оби чашми ҳар сағир ва баҳри обрӯи ҳар як ҳамватан хешро масъул эълон намудааст.

– барои нурбории хонадони миллат ҷонфидоӣ дорад ва барои бақои давлат тораҳои мӯ сафед кардаву чини ҷабин афзудааст.

Ӯ – тавонист, ки дар дохил ба ҳама гуна низоъ ва душманӣ хотима бахшаду дар берун давлатеро бо номи Тоҷикистон сазовор муаррифӣ намояд.

– дилсӯзии падарона, сахтгириҳои сарварона, ҷонфидоиҳои қаҳрамонона, симои рустамона ва қалби бекинаву амалҳои созандаву ҷовидона дорад.

– бахшида метавонад,  пайваста авфи гуноҳҳо мекунаду дасти дӯстӣ ба қаттолтарин душманонаш медиҳад ва ин ҳама ба хотири миллату давлат, амни раъият, фардои арзандаву шоистаи Тоҷикистони азиз аст.

– тоҷикони оламро ифтихори милливу тоҷик будан бахшид ва худ фахри соҳибдавлатии мову рамзи соҳибдории хосу оми кишвар гардид.

– миллатро наҷот доду давлатдории миллиро таҳким бахшид. Шинохти кишвар бо сарсупурдагиҳову ҷоннисориҳояш муяссар шудааст.

Ӯ– президенти нозпарвард не, сарварест фидоӣ дар роҳи наҷоти давлату миллат ва ҳатто душманонаш бо рашки аёну ниҳон эътирофу эҳтиромаш мекунанд.

– марди замону ҷаҳон аст ва замониву ҷаҳонӣ андешидаву амал мекунад. Натанҳо баҳри зиндагии гуворову босуботи кишвари худ, балки берун аз он ҳам талош дорад.

– дар баҳои ин ҳама заҳмату садоқату самимият дар дохилу хориҷ чун як лидери сулҳҷӯву созанда эътироф шуд ва ҷоизаи арҷманди ҷаҳонии «Пешвои асри 21» далели тозатарини ин аст.

– бо мосту мо бо ӯ ва Тоҷикистони соҳибистиқлол бо сарвариаш сӯйи ояндаи озоду обод ва созандаву арзанда равон аст.

Ҳуриннисо Ализода