17 лоиҳаҳои санадҳои ҳуқуқӣ барои вусъат додани ҳисоббаробаркунии ғайринақдӣ

 Вазорати Молияи Ҷумҳурии Тоҷикистон бо мақсади иҷрои Фармони Президенти Ҷумҳурии Тоҷикистон аз 22 июни соли 2023 “Дар бораи тадбирҳои вусъат додани ҳисоббаробаркунии ғайринақдӣ” 17 адад лоиҳаҳои санади меъёрии ҳуқуқӣ оид ба ворид намудани тағйиру иловаҳо ба як қатор кодексҳо, қонунҳо ва қарорҳои дахлдори Ҳукумати Ҷумҳурии Тоҷикистон таҳия намудааст, ки 15 адади он бо қонун ва қарорҳои дахлдор қабул ва тасдиқ карда шудаанд.

Дар ин бора Вазири молияи Ҷумҳурии Тоҷикистон Файзиддин Қаҳҳорзода дар нишасти матбуотӣ, ки санаи 16 феврал баргузор гардид, ба хабарнигорон иттилоъ дод ва афзуд, ки татбиқи ин фармони Президенти кишвар метавонад шаффофияти низоми молиявии кишварро таъмин намояд.

Ҳамчунин илова гардид, ки дар муддати 5 моҳи амалишавии ин тадбир беш аз 780 миллион сомонӣ андозҳо ва боҷҳо ба таври ғайринақдӣ пардохт гардидаанд.