Тенисбоздухтарони тоҷик дар Малайзия ғолиб шуданд

Теннисбоздухтарони ҷавони тоҷик дар Мусобиқаи байналмилалии “Penang Open International 38th Juniors аge Group Tennis Championship 2023” сазовори 3 медал шуданд.

Мусобиқа дар Малайзия аз 29-уми ноябр то 3-юми декабр бо иштироки варзишгарони 12 давлат доир гашт. Рақобатҳо аз рӯи 5 синну сол – U10, U12, U14, U16, U18 сурат гирифт.

Варзишгарони мо Шеъро Комрон, Валерия Теришкина, Аниса Яҳёева ва Ёсуман Салимова дар рақобатҳои ҷуфти бонувон сазовори медали нуқра ва биринҷӣ гардиданд. Дар рақобатҳои инфиродӣ бошад, Аниса Яҳёева ба гирифтани медали биринҷӣ мушарраф гардид.