Филми «Мелодия»-ро Телевиниони «Сафина» барои дарёфти ҷоизаи «Оскар» пешниҳод менамояд

Филми бадеии «Мелодия»-ро, ки Телевизиони «Сафина» дар ҳамдастӣ бо ширкати телевизионии «Намо»-и Ҷумҳурии исломии Эрон рӯи навор овардаанд, тасмим доранд, ки барои дарёфти ҷоизаҳои байналмилалӣ, бахусус ҷоизаи «Оскар» пешниҳод намоянд. Дар ин бора Карими Азиз, муовини директори Муассисаи давлатии Телевизиони «Сафина» зимни нишасти матбуотии ин ниҳод, ки 26 июли соли равон дар шабакаи мазкур баргузор гардид, иброз дошт.

Қайд гардид, ки дар ин самт Телевизиони «Сафина» чанде қабл филми мустанади «Бабри барфӣ»-ро бо синамогарони Ҷумҳурии Корея рӯи навор оварданд ва ҳоло филмеро бо унвонии «Қутосҳо» бо ҳамкорони кореягӣ таҳия менамоянд.

        Бояд гуфт, ки Телевизиони «Сафина» дар таҳияи филмҳои телевизионӣ, мустанад ва бадеӣ таҷрибаи ғанӣ дорад ва филмҳое амсоли «Автобус», «Ношунаво» ва ғайра ҳаводорони зиёд пайдо намудаанд.