Боз як варзишгари тоҷик нишони тилло ба даст овард

Ҷудочиёни ҷавони тоҷик дар Ҷоми кушоди Осиё медали тилло ба даст оварданд.

Аз 7 то 9 апрел дар шаҳри Алмаатои Казоқистон Ҷоми кушоди Осиё оид ба ҷудо миёни наврасону ҷавонон баргузор шуд. Тоҷикистонро миёни наврасон 7 варзишгар ва миёни ҷавонон 6 варзишгар намояндагӣ карданд. Рӯзи охири Ҷоми кушоди Осиё миёни наврасон ва ҷавонон дар Алмаато варзишгарони мо ду медал - тилло ва биринҷӣ гирифтанд.

Иброҳим Элмуродов дар вазни +100кг ҷои аввал, Муҳаммад Абдуҷалилзода дар вазни 81 кг медали биринҷӣ ба даст оварданд.

Ҷудокорони навраси тоҷик дар рӯзи аввали Ҷоми Осиё оид ба ҷудо миёни наврасону ҷавонон дар ин мусобиқа сазовори се медали биринҷӣ гардиданд. Дар маҷмуъ, тими ҷудои наврасону ҷавонони кишвар дар ин мусобиқа 5 медал ба хазинаи кишвар ворид сохтанд.