Рӯзи шашуми 5-умин Бозиҳои ҳамбастагии исломӣ дар шаҳри Қунияи Туркия варзишгари тоҷик Екатерина Ишенко аз мусобиқаи тенниси рӯи миз миёни варзишгарони имконияташон маҳдуд сазовори медали нуқра гардид.
Мусобиқаи пара-тенниси рӯи миз (класси 9) ба таври даврӣ сурат гирифта, дар он 4 варзишгар ширкат варзиданд. Екатерина дар ду давр бар варзишгарони Эрон Пагоҳ Кулоҳрудӣ ва Сумайя Мустафовижафаррухӣ пирӯз шуда, аз варзишгари мизбон Неслихон Каваш мағлуб гардид ва ҷойи дуюмро ишғол кард.
Ин чорум медали ҳайати олимпии Тоҷикистон дар 5-ум Бозиҳои ҳамбастагии исломӣ аст. Дар рӯзи чоруми мусобиқа варзишгарони тоҷик 3 медал – 1 нуқра ва 2 биринҷї ба даст оварданд.
Бозиҳо то 18-уми август идома меёбанд. Варзишгарони тоҷик дар намудҳои камонварӣ, ҷудо ва каратэ мусобиқаҳоро идома хоҳанд дод.
С. Ашӯрова