ДАВРИ СЕЮМИ ЧЕМПИОНАТИ CAFA-2022 МИЁНИ ДАСТАҲОИ ЗАНОНА ХОТИМА ЁФТ

14 июл дар шаҳри Душанбе бозиҳои даври сеюми чемпионати Ассотсиатсияи футболи Осиёи Марказӣ (CAFA) байни дастаҳои занона баргузор гардид. Тавре аз Федератсияи футболи Тољикистон иттилоъ доданд, дар ин давр довталабони медали тиллои мусобиқа – тимҳои миллии Ӯзбекистон ва Эрон пирӯзӣ ба даст оварданд. Дастаи Ӯзбекистон бар Туркманистон (6:0) ғолиб омад ва футболбозони Эрон бар тими миллии Тоҷикистон (5:0) зафар ёфт.

 Дастаҳои мунтахаби Ӯзбекистон ва Эрон бо касби шаш имтиёзӣ дар ҷадвали мусобиқот пешсафанд ва дар даври ниҳоӣ беҳтарин тими минтақаро миёни ҳам муайян мекунанд.

Рӯзи 17 июл бозиҳои даври чаҳоруми мусобиқоти қаҳрамонии Ассотсиатсияи футболи Осиёи Марказӣ (CAFA) байни дастаҳои мунтахаби занона баргузор мешаванд. Дар ин рӯз бозиҳои мунтахабҳои Эрон – Туркманистон (оғоз – соати 19:00) ва Қирғизистон – Ӯзбекистон (оғоз – соати 22:00) баргузор мешаванд.

                                                                                                                                                                                                                            С. Ашўрова