ТАВАҶҶУҲ!!! ДАР СУҒД ОЗМУНИ «ДУНЁИ РАНГИНИ КӮДАКОН» ДОИР МЕГАРДАД

Маркази таҳсилоти иловагии вилояти Суғд бо мақсади дарёфти кӯдакону наврасони боистеъдод, рушди малакаву маҳорат ва қобилияти зеҳнӣ, инчунин самаранок истифода намудани давраи таътили тобистона озмуни навбатии фосилавии "Дунёи рангини кӯдакон"-ро эълон менамояд

Тавре аз шуъбаи иттилоот ва таҳлили Маркази таҳсилоти иловагии вилояти Суғд хабар медиҳанд, озмуни мазкур байни ду категорияи синнусолӣ: кӯдакони синни хурди мактабӣ (синфҳои 1-4) ва хонандагони синфҳои 5-9 аз рӯи шартҳои видеоролики беҳтарин, акси беҳтарин, расми беҳтарин ва эссе дар мавзуъҳои "Чӣ тавр ман давраи таътилро сипарӣ намуда истодаам", "Мо - кӯдакони насли хушбахти Истиқлол", "Истеъдоди ман", "Дар оғӯши табиати биҳиштосои диёр", "Машғулиятҳои муфиди ман дар давраи таътил", "Китоб - маъвои хирад" баргузор мегардад.

Хоҳишмандон метавонанд видеоролик (дар ҳаҷми то 5 дақиқа), акс (бо телефон ва ё дастгоҳи аксгиранда гирифташуда, аз ҳар довталаб то 5 акси ифодакунандаи мавзӯи озмун), расм (то 3 дона доир ба мавзӯъ бо қалами ранга, акварел, ранги равғани иҷрошуда ба андозаи формати А4 ва А3), эссе (доир ба мавзӯи пешниҳодшуда дар ҳаҷми 1-2 саҳифа) -и худро то 20 август тариқи почтаи электронии Этот адрес электронной почты защищен от спам-ботов. У вас должен быть включен JavaScript для просмотра. "> Этот адрес электронной почты защищен от спам-ботов. У вас должен быть включен JavaScript для просмотра. ва саҳифаи фейсбукии Маркази таҳсилоти иловагии вилояти Суғд ва ё шабакаҳои иҷтимоии вотсап, вайбер, имо, инстаграм, телеграм ба шумораи телефонҳои 928181072, 929727688, 928881100 ирсол намоянд.

Иштирок дар озмуни мазкур озод буда, хонандагон аз тамоми минтақањои Тоҷикистон метавонанд ширкат намоянд.

То замони ҷамъбасти озмун беҳтарин видеоролик, акс, расм ва эссе дар саҳифаи фейсбукии Маркази таҳсилоти иловагии вилояти Суғд нашр карда мешавад. Ҳангоми ҷамъбасти озмун теъдоди ишораҳои мақбул (лайк) ва шарҳҳои гузошташудаи корбарон зери матлаби гузошташуда ба инобат гирифта мешавад.

Тибқи Низомнома аз ҳар бахш 5 нафарӣ ғолибон, дар умум 40 нафар беҳтаринҳо муайян шуда, бо туҳфаҳои арзишманд ва диплому сипосномаҳо қадрдонӣ карда мешавад.

Маросими қадрдонии ғолибон ва иштирокчиёни фаъоли озмун санаи 23 август доир мегардад.

  Ситора