Истеҳсоли неруи барқ 341,6 миллион кВт соат зиёд шуд

          Дар нимсолаи якуми соли 2022 истеҳсоли неруи барқ дар ҷумҳурӣ 10 миллиарду 414,9 миллион кВт соатро ташкил дод, ки нисбат ба ҳамин давраи соли гузашта 341,6 миллион кВт соат зиёд аст,- гуфт Шоимзода Ҷамшед - муовини якуми вазири энергетика ва захираҳои оби ҷумҳурӣ, зимни нишасти матбуотии ин ниҳод, ки 12 июл доир гардид.

Қайд гардид, ки дар баробари бунёди неругоҳҳои барқи обии нав, ба масъалаи барқарор намудани иқтидорҳои мавҷуда Ҳукумати кишвар таваҷҷуҳи хосса зоҳир менамояд. Ҳоло таҷдиди неругоҳҳои барқи обии «Норак», «Сарбанд» ва «Қайроққум» идома дошта, тавоноии воқеии онҳо ба андозаи 370 мВт соат афзоиш хоҳад ёфт.

Иттилло дода шуд, ки воридоти маблағ аз содироти неруи барқ дар нимсолаи аввали соли ҷорӣ 366,2 миллион сомониро ташкил дод, ки содирот асосан ба Ҷумҳурии Исломии Афғонистон ва Ҷумҳурии Ӯзбекисон сурат гирифтааст.

                                                                             Фарзона