КОРВОНИ «МОДАРОНИ ВАҲДАТСАРО» БА ВИЛОЯТИ ХАТЛОН МЕРАВАД

8 - 11 июни соли равон  корвони  «Модарони Ваҳдатсаро» ба вилояти Хатлон сафар менамояд. Ин иқдом  ба муносибати 25-солагии Рӯзи  Ваҳдати миллӣ бахшида шуда, бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон роҳандозӣ мегардад.

Корвони «Модарони Ваҳдатсаро» бо иштироки бонувону духтарони фаъол ва собиқадори мамлакат дар вилояти Хатлон баргузор мегардад.

Дар доираи баргузории корвони мазкур ташкил ва гузаронидани суҳбату вохӯриҳо дар ҷамоатҳо, қисмҳои низомӣ, тарғиби дастоварҳои Истиқлоли давлатии Ҷумҳурии Тоҷикистон ва боздид аз мавзеъҳои таърихию –фарҳангӣ ба нақша гирифта шудааст.