ОМИНА ХУДОЙҚУЛОВА МЕДАЛИ ТИЛЛОРО АЗ ОЛИМПИАДАИ БАЙНАЛМИЛАЛӢ БА ДАСТ ОВАРД

26 март хонандаи синфи синфи 8-и Литсейи давлатии №1-и ноҳияи

Восеъ Омина Худойқулова дар Олимпиадаи байналмилалии Teeneagle ONLINE аз фанни забони англисӣ ба таври фосилавӣ ширкат варзида, ҷойи аввал ва медали тиллоро сазовор гашт, иттилоъ медиҳад АМИТ «Ховар».

Ба ин тариқ, ӯ дар даври финалии олимпиада, ки аз 31 июл то 7 августи соли 2022 дар донишгоҳи «Брунел»-и шаҳри Лондони Британияи Кабир баргузор мегардад, иштирок мекунад.

Иштирокчиёне, ки дар ҳама даврҳои олимпиадаи мазкур ғолиб омадаанд, тибқи низомномаи озмун метавонанд барои таҳсили ройгон дар 12 донишгоҳи бонуфузи Англия роҳхат гиранд.

Солҳои охир таваҷҷуҳ ба омӯзиши забонҳои хориҷӣ, бахусус русиву англисӣ дар мамлакат хуб ба роҳ монда шуда, Ҳукумати мамлакат дар ин самт чораҳои мушаххас меандешад.