ХОНАНДАГОНИ ТО СИНФИ 4 МОҲЕ ЯК МАРОТИБА МЕТАВОНАНД РОЙГОН БА ОСОРХОНА РАВАНД

Дар Осорхонаи миллии Тоҷикистон шанбеи охири ҳар моҳ барои хонандагони то синфи 4-и муассисаҳои таълимии мамлакат рӯзи дарҳои кушод эълон намудаанд,  хабар медиҳад АМИТ «Ховар».

Бино ба иттилои манбаъ хонандагон  имкон доранд шанбеи охири ҳар моҳ ба Осорхонаи миллӣ ройгон ворид гардида, бо нигораҳои қадимиву ҳозираи таърихии миллати тоҷик ошноӣ пайдо намоянд.

Кӯдакону наврасон метавонанд бо таъриху тамаддун, ёдгориҳои таърихии кишвар марбут ба асрҳои гуногун, осори фарҳангиву ҳунармандии қадимӣ ва санъати нотакрори миллати тоҷик ошно гарданд.