ФЕСТИВАЛИ ҶУМҲУРИЯВИИ “ҲАФТАИ КИТОБИ КӮДАКОНУ НАВРАСОНИ ТОҶИКИСТОН” ДОИР МЕГАРДАД

Аз 2 то 9 апрели соли 2022 Фестивали ҷумҳуриявии “Ҳафтаи китоби кӯдакону наврасони Тоҷикистон” таҳти унвони “Аниси кунҷи танҳоӣ китоб аст” бо ташаббуси Вазорати фарҳанги Ҷумҳурии Тоҷикистон баргузор мегардад. Фестивал бо иштироки адибон, олимон, коршиносони соҳа дар шаҳри Душанбе ва шаҳру ноҳияҳои тобеи ҷумҳурӣ тӯли як ҳафта доир хоҳад гашт.

Оғози фестивал рӯзи 2 апрел, соати 10.00 дар Китобхонаи давлатии бачагонаи ҷумҳуриявии ба номи Мирсаид Миршакар бо намоиши китобии “Аниси кунҷи танҳоӣ китоб аст”, намоиши дастраҷи кӯдакону наврасон, намоиш-фурӯши китобҳои тозанашр, намоиши “Лаҳзаҳо аз фестивал”, намоишномаҳои Театри давлатии ҷумҳуриявии “Лӯхтак” ва Сирки давлатии Тоҷикистон баргузор мешавад.

Идомаи Фестивал рӯзи 3 апрел, соати 10.00 дар Қасри фарҳанги ноҳияи Шаҳринав, МТМУ № 32 ноҳияи Сино, соати 11.00 дар МТМУ № 16 ноҳияи Шоҳмансури шаҳри Душанбе ва соати 14.00 дар Китобхонаи марказии шаҳри Турсунзода доир мегардад.

Рӯзи 4 апрел, соати 10.00 дар Қасри фарҳанги ноҳияи Файзобод, МТМУ № 1 ноҳияи И. Сомонии пойтахт ва дар Қасри фарҳанги шаҳри Роғун соати 14.00 баргузор мешавад. Рӯзи 5 апрел, соати 10.00 дар Китобхона - филиали № 10 ноҳияи Варзоб ва соати 11.00 дар МТМУ № 17 ноҳияи Фирдавсии шаҳри Душанбе барпо хоҳад шуд.

Идомаи фестивал рӯзи 6 апрел, соати 10.00 дар Кохи маърифати шаҳри Ваҳдат, МТМУ № 55-и ноҳияи Шоҳмансур ва соати 11.00 дар МТМУ № 33-и ноҳияи Синои пойтахт доир мешавад.

Фестивал рӯзи 7 апрел, соати 10.00 дар Китобхонаи марказии шаҳри Ҳисор ва соати 11.00 дар Мактаб-интернати № 1-и шаҳри Душанбе идома меёбад. Рӯзи 8 апрел, соати 10.00 дар Қасри фарҳанги ноҳияи Рӯдакӣ, МТМУ № 51-и ноҳияи Фирдавсӣ ва соати 11.00 дар МТМУ № 70-и ноҳияи И. Сомонии шаҳри Душанбе доир мегардад.

Ҷамъбасти Фестивал рӯзи 9 апрели соли 2022, соати 13.00 дар Муассисаи давлатии “Маркази кӯдакону наврасони шаҳри Душанбе” бо намоиши барномаи фарҳангӣ, намоиши китобҳо ва бо супоридани туҳфаҳо ба иштирокчиёни фаъоли Фестивал баргузор мегардад.

 Манбаъ: Вазорати фарҳанги Ҷумҳурии Тоҷикистон