КӮЛОБ: КӮМАК БА СОБИҚАДОРОНИ МЕҲНАТ ВА НИЁЗМАДОН

Дар пайравӣ аз ташаббусҳои хирадмандонаи Президенти Ҷумҳурии Тоҷикистон муҳтарам Эмомалӣ Раҳмон роҳбарияти Мақомоти иҷроияи ҳокимияти давлатии шаҳри Кӯлоб дар арафаи ҷашни фархундаи Наврӯз аз ҷониби роҳбарияти мақомоти иҷроияи ҳокимияти давлатии шаҳр ба тарбиятгирандагони мактаб-интернати ёрирасони № 1 як миқдор орд, равған, шакару биринҷ, гӯшт, пиёз, картошка, шириниҳо ва кумакҳои молиявӣ расонида, аз вазъи истироҳату фароғати тарбиятгирандагон  боздид намуд.

Ҳамчунин дар ин рӯз роҳбарияти шаҳр ба аёдати 14 нафар собиқадорони меҳнат, ки қисме аз онҳо  намояндагони русзабон ва дигар миллатҳоро ташкил медоданд, аз номи Президенти Ҷумҳурии Тоҷикистон муҳтарам Эмомалӣ Раҳмон ба фарорасии Наврӯз табрик намуд.

Сипас,  ба собиқадорони меҳнат барои тарбияи насли наврас, пешбурди сиёсати имрӯзаи давлату ҳукумат кӯмакҳои молиявӣ ва маводҳои яквақтаи ғизоӣ расонда, бо  сипосномаҳои мақомоти иҷроияи ҳокимияти давлатии шаҳри Кӯлоб қадрдонӣ карда шуд.

  Бахши матбуотии МИҲД-и шаҳри Кӯлоб