ЧЕМПИОНАТИ CAFA-2022 МИЁНИ ДАСТАҲОИ МУНТАХАБИ ФУТБОЛИ ЗАНОНА ДОИР МЕГАРДАД

Аз 11 то 15  март дар шаҳри  Душанбе Чемпионати Ассотсиатсияи футболи Осиёи Марказӣ - CAFA-2022 миёни дастаҳои мунтахаби занонаи то 18-сола баргузор мешавад, иттилоъ медиҳад АМИТ «Ховар».
    Дар сабқат чаҳор дастаи мунтахаби духтарона аз Тоҷикистон, Узбекистон, Эрон ва Қирғизистон ширкат меварзанд. Дастаи мунтахаби Тоҷикистонро ба мусобиқаи мазкур сармураббӣ Иззатулло Исҳоқов омода менамояд.

Дар доираи Чемпионати CAFA-2022 ҳамагӣ шаш бозӣ доир гашта, бозиҳо дар Варзишгоҳи марказии шаҳри  Душанбе баргузор мегарданд.

Мусобиқа аз рӯи системаи даврӣ дар як давр доир гардида, дастаи ғолиб аз рӯи имтиёзҳои бадастоварда маълум хоҳад шуд.

Дастаи мунтахаби занонаи то 18-солаи Тоҷикистон нахустин бозии худро 11-уми  март бо дастаи мунтахаби занонаи то 18-солаи Қирғизистон доир менамояд.

Тақвими бозиҳо

Даври 1-ум

11 март (ҷумъа)

14:00 – Узбекистон – Эрон

17:00 – Тоҷикистон – Қирғизистон

Даври 2-юм

13 март (якшанбе)

14:00 – Қирғизистон – Узбекистон

17:00 – Эрон – Тоҷикистон

Даври 3-юм

15 март (сешанбе)

14:00 – Эрон – Қирғизистон

17:00 – Тоҷикистон – Узбекистон