ИСТЕЪМОЛКУНАНДАГОН БА «ТОҶИКСТАНДАРТ» 122 АРИЗАИ ШИКОЯТӢ ВОРИД НАМУДАНД»

Абдулваҳобзода Темурҷон:

 Имрӯз дар нишасти матбуотии Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон  Абдулваҳобзода Темурҷон гуфт, ки:

 - Дар самти ҳимояи ҳуқуқи истеъмолкунандагон, таъмини риояи талаботи ҳуҷҷатҳои меъёрию техникӣ дар раванди гузарондани назорати давлатӣ дар субъетҳои хоҷагидори ҷумҳурӣ аз ҷониби мутахассисони Агентӣ барои риоя накардани талаботи ҳуҷҷатҳои меъёрию техникӣ, вориду фурӯши маҳсулоти пастсифат ва хатарнок дар 8864 ҳолат ба маблағи умумии 1 млн. 971 802 сомонӣ ҷарима таъйин гардида, маблағҳои мазкур ба буҷаи давлат пардохт шуданд.

 Ҳамчунин, директори Агентии «Тоҷикстандарт» Абдулваҳобзода Темурҷон қайд кард, ки дар иртибот ба таъмини ҳимояи ҳуқуқи истеъмолкунандагон дар соли 2021 аз ҷониби шаҳрвандон 122 аризаҳои шикоятӣ, ки аксарият аз паст будани сифати молу маҳсулот ва фиреби истеъмолгарон аз тарафи фурӯшандаҳо арз доштанд, ба суроғаи Агентӣ ворид шуд. Шикояти истеъмолгарон аз ҷониби масъулони соҳа баррасӣ гардида, ба таври мусбӣ ҳал шуданд.