КУРСАНТИ АКАДЕМИЯ ДАР ОЗМУНИ ҶУМҲУРИЯВИИ «ФУРӮҒИ СУБҲИ ДОНОӢ КИТОБ АСТ» СОҲИБИ ҶОЙИ ЯКУМ ГАРДИД

Курсантони Академияи Вазорати корҳои дохилии Ҷумҳурии Тоҷикистон дар баробари дигар донишҷӯёни муассисаҳои олии кишвар се сол боз дар озмуни мазкур фаъолона ширкат меварзанд. Имсол то даври чоруми озмуни ҷумҳуриявии «Фурӯғи субҳи доноӣ китоб аст» се нафар курсантони академияи мазкур дар номинатсияҳои адабиёти қлассик, муосир ва бачагона иштирок намуданд.

Донишҷӯи курси чоруми Академия Ҷононаи Зикрулло дар номинатсияи «Адабиёти кӯдакону наврасон ва осори шифоҳӣ» дар байни муассисаҳои олии кишвар сазовори ҷойи якум гардид. Роҳбари илмии Ҷононаи Зикрулло сардори кафедраи забонҳои Академияи ВКД Ҷумҳурии Тоҷикистон номзади илмҳои педагогӣ, дотсент полковники милитсия Давлатшозода Азиза мебошад.

Ҷононаи Зикрулло бо диплом, маблағи пулӣ ва гувоҳномаи Вазорати маориф ва илми ҷумҳурӣ барои иштирок дар даври ниҳоии Озмуни ҷумҳуриявии «Фурӯғи субҳи доноӣ китоб аст» қадрдонӣ гардид.