ФЕСТИВАЛИ БАЙНАЛМИЛАЛИИ «ШУКУФАҲОИ ПОЙТАХТ» ДАР ДУШАНБЕ

Имрӯз дар шаҳри Душанбе Фестивали байналмилалии эҷодиёти кӯдакону наврасони кишварҳои узви Иттиҳоди Давлатҳои Мустақил — «Шукуфаҳои пойтахт» оғоз меёбад ва то санаи 10-уми декабр идома меёбад.

Сарраёсати молияи шаҳри Душанбе ҷиҳати ташкил ва баргузории Фестивали байналмилалии эҷодиёти бадеии кӯдакон ва наврасони кишварҳои узви ИДМ – «Шукуфаҳои пойтахт» 200 000 (дусад ҳазор) сомонӣ маблағ ҷудо менамояд.

Ҳадаф аз баргузории фестивал омӯзиш ва арҷгузорӣ ба таъриху фарҳанг, адабиёту санъат ва тамаддуни ҳамдигарӣ ва дар ин замина мусоидат намудан дар муаррифӣ ва рушди эҷодиёти мусиқиву бадеии насли наврас мебошад.

Ёдовар мешавем, ки қарори мазкурро Раиси шаҳри Душанбе Рустами Эмомалӣ ба имзо расонидааст.