БОНУВОНИ ФУТБОЛБОЗИ ТОҶИК ЯК БУРДУ ЯК БОХТ ДОРАНД

Дар Варзишгоҳи марказии ҷумҳуриявии шаҳри Душанбе шоми дирӯз бозии даври ниҳоӣ ва ҳалкунандаи Мусобиқаи интихобии Ҷоми Осиё - 2022 миёни дастаҳои мунтахаби занонаи Тоҷикистон бо Ветнам хеле ҷолиб баргузор гардид. Бонувони футболбози тоҷик аз рақиби пурқуввати худ - дастаи мунтахаби занонаи Ветнам бо ҳисоби калони 7:0 мағлуб шуда, аз идомаи мусобиқа дар марҳилаи ниҳоии чемпионати Осиё маҳрум гардиданд, хабар медиҳад АМИТ «Ховар».

Чанд рӯз пеш дастаи мунтахаби занонаи Тоҷикистон оид ба футбол дар даври дуюми мусобиқаи интихобии Ҷоми Осиё - 2022 дар гурӯҳи «В» бар дастаи мунтахаби занонаи Малдив бо ҳисоби калони 4:0 ғолиб омад. Дар ин сабқати ҷолиб голҳои дастаи мунтахаби занонаи Тоҷикистонро Лайло Ҳалимова, Некубахт Худододова ва Наталя Сотникова ба нишон расонида, пирӯзии дастаашонро таъмин намуданд.