ДАР ШАҲРИ ХУҶАНД КӮДАКИСТОНИ «МЕҲРОСО» ИФТИТОҲ ЁФТ

Имрӯз, 30 июли соли 2021 Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маҳаллаи “Бофанда”-и шаҳри Хуҷанд кӯдакистони “Меҳросо”-ро мавриди баҳрабардорӣ қарор доданд.

Муассисаи томактабӣ ба ифтихори 30-юмин солгарди Истиқлоли давлатӣ бунёд гардида, барои 200 нафар кӯдаки ятиму бепарастор, ки ройгон ба таълиму тарбия фаро гирифта мешаванд. пешбинӣ шудааст.

Масоҳати умумии иншоот 1700 метри мураббаъро ташкил дода, аз ҳафт утоқи ҷойи хоб барои кӯдакон, 7 ҳуҷра барои таълиму тарбия, ҳуҷраи кории маъмурият ва табибон, ошхона ва толор барои машғулиятҳои мусиқӣ иборат мебошад. Барои истироҳату фароғат ва солимгардонии кӯдакон дар саҳни бино 7 айвончаи тобистона ва ду майдончаи бозӣ барои тарбиятгирандагон бо тамоми шароит бунёд ва 20 нафар бо ҷойи кор таъмин шуданд.

Президенти мамлакат муҳтарам Эмомалӣ Раҳмон аз иқдоми наҷиби соҳибкорон хуш истиқбол намуда, онро намунаи олии ватандорӣ ва рисолати хуби инсондӯстӣ донистанд.