ФАРОГИРИИ ЗАНОНИ ҲОМИЛА БА ЧОРАБИНИҲОИ ПЕШГИРИКУНАНДА ОИД БА ПЕШГИРИИ СИРОЯТИ ВНМО АЗ МОДАР БА КӮДАК

17 июни соли ҷорӣ дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таҳти унвони «Фарогирии занони ҳомила ба чорабиниҳои пешгирикунанда оид ба пешгирии сирояти ВНМО аз модар ба кӯдак» машварати онлайнӣ доир гардид. Дар машварат муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода, масъулини соҳа ва роҳбарони як қатор муассисаҳои тандурустии шаҳру навоҳии мамлакат ширкат варзиданд.

Иштирокдорон дар бораи роҳҳои муассири  фарогирии занони ҳомила ба чорабиниҳои пешгирикунанда оид ба пешгирии сирояти ВНМО аз модар ба кӯдак  мубодилаи афкор намуданд.

Ҷиҳати тақвият бахшидани корҳо дар самти беҳтар намудани хизматрасонии тиббӣ ба модар ва кӯдак ба масъулин тавсияҳо дода шуд.