НИММАРАФОНИ БАЙНАЛМИЛЛАЛИИ СОЗМОНИ ҲАМКОРИИ ШАНХАЙ

13 июни соли  равон дар шаҳри Душанбе Ниммарафони байналмиллалии Созмони ҳамкории Шанхай доир мегардад. Масофаи Ниммарафон 21 километру 97 метрро дар бар гирифта, он  аз назди «Эстакадаи Қарияи боло» - хиёбони Исмоили Сомонӣ 70 оғоз шуда, дар майдони Исмоили Сомонӣ хотима меёбад. Сабқати мазкур соати  08:00 оғоз мегардад. Хоҳишмандон бояд худро рӯзҳои 11 -12  июн ба қайд гирифта, ҳамчунин маълумотномаи тиббӣ пешниҳод намоянд, иттилоъ медиҳад АМИТ «Ховар».

Дар Ниммарафони байналмиллалии СҲШ шахсони алоҳида ва кормандони корхонаю ташкилот, муассисаҳои ватанию хориҷӣ метавонанд ширкат варзанд.  Дар дави мазкур занону мардон ҳуқуқи иштирок намуданро доранд. Ғолибонро медал ва мукофотҳои пулӣ (аз 300 то 1500 доллар) интизор аст.