ДАР ҚАЛАМРАВИ ТОҶИКИСТОН АМАЛИЁТИ НАВБАТИИ «БАЧАҲО» ДОИР МЕГАРДАД

Аз 5 то 15 июни соли 2021 дар ҷумҳурӣ амалиёти «Бачаҳо» гузаронида мешавад. Он аз ҷониби  Бозрасии давлатии автомобилии Вазорати корҳои дохилии Ҷумҳурии Тоҷикистон  бо мақсади баланд бардоштани интизоми иштирокчиёни ҳаракат дар роҳ, махсусан кӯдакону наврасон ва коҳиш додани сатҳи садаманокӣ бо иштироки онҳо роҳандозӣ мегардад, иттилоъ медиҳад АМИТ «Ховар».

Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон  аз тамоми ронандагон, падару модарон, омӯзгорони муассисаҳои таҳсилоти ҳамагонӣ ва мураббиёни муассисаҳои томактабӣ хоҳиш менамояд, ки дар ташкил ва гузаронидани чорабинии мазкур фаъол бошанд. Инчунин талаботи қоидаҳои ҳаракат дар роҳро риоя намуда, ҳаёти худ ва фарзандонашонро зери хатар нагузоранд.