ДАР ДУШАНБЕ ЧЕМПИОНАТ ОИД БА ФУТБОЛИ ЗАНОНА CAFA-2021 ОҒОЗ МЕЁБАД

Аз 11 то 17 июн дар Душанбе чемпионати CAFA-2021 оид ба футбол байни дастаҳои занонаи ҷавонони то 20-сола баргузор мегардад. Панҷ даста барои ба даст овардани унвони дастаи беҳтарини минтақа мубориза мебаранд. Ин аввалин сабқат аст, ки имсол таҳти сарпарастии Ассотсиатсияи футболи Осиёи Марказӣ баргузор мешавад.

Дар чемпионати CAFA-2021 байни дастаҳои занонаи ҷавонон (U-20) дастаҳои Тоҷикистон, Эрон, Ӯзбекистон, Қирғизистон ва Афғонистон ширкат меварзанд. Ҳамаи бозиҳо дар Варзишгоҳи марказии Душанбе баргузор мешаванд.

Дар маҷмӯъ, дар доираи Чемпионати CAFA-2021 байни дастаҳои занонаи ҷавонони то 20-сола 10 бозӣ баргузор мешавад.