МАНИЖА ДАР ДАВРИ НИМНИҲОИИ «ЕВРОВИДЕНИЕ-2021»

Аз 18-22 майи соли 2021 дар Роттердам (кишвари Нидерланд) 65-умин Озмуни байналмилалии суруди “Евровидение” баргузор мегардад. Зодаи шаҳри Душанбе Манижа Сангин (Manizha) дар ин озмун Россияро бо суруди «Russian Woman» намояндагӣ мекунад.

Имрӯз, 18 май Манижа дар нимниҳоии якуми озмун ҳунарнамоӣ хоҳад кард. Дар он намояндагони 16 кишвар, аз ҷумла Россия ширкат меварзанд. Даҳ довталаб ба даври ниҳоӣ роҳхат мегиранд.

   Даври нимниҳоии дуюми «Евровидение-2021» рӯзи панҷшанбе, 20 май баргузор мешавад. Тибқи натиҷаҳои он даҳ сарояндаи дигар ба марҳилаи ниҳоӣ (финал) мебароянд. Дар маҷмӯъ, дар даври дуввуми нимниҳоӣ намояндагони 17 кишвари дунё ширкат меварзанд.

     Марҳилаи ниҳоии «Евровидение-2021» рӯзи шанбе, 22 май баргузор мегардад. Намояндаи Ҳолланд — кишвари мизбони озмуни 65-ум ва панҷ нафар иштирокчиён аз кишварҳои бунёдгузори “Евровидение” (Британияи Кабир, Германия, Италия, Испания ва Франсия), 20 нафари дар ду даври нимниҳоӣ интихобшуда дар маљмўъ, дар ин озмун 26 нафар довталабон барои пирӯзӣ мубориза мебаранд.

   Ҳарду даври нимниҳоӣ ва марҳилаи ниҳоии “Евровидение”-ро метавон тавассути Шабакаи якуми Телевизиони Россия ва сомонаи www.1tv.ru мустақиман тамошо кард.

   Оғози пахши барнома соати 22:00 ба вақти Москва (00:00 ба вақти Душанбе).