СЕМИНАРИ ОМӮЗИШӢ БАРОИ АЪЗОЁНИ ИТТИФОҚИ КАСАБА

   Санаи 12-уми марти соли равон дар Федератсияи иттифоқҳои касабаи мустақили Тоҷикистон бо иштироки раисони иттифоқҳои касабаи корхонаю муассисаҳои фарҳангӣ, иттилоот ва варзишӣ семинари омӯзишӣ доир гардид.

        Раиси Федератсияи иттифоқҳои касабаи мустақили Тоҷикистон Маликшо Неъматзода оид ба имзо расидани Созишномаи генералӣ байни Ҳукумати Ҷумҳурии Тоҷикистон, Федератсияи иттифоқҳои касабаи мустақили Тоҷикистон ва Иттиҳодияи корфамоён ҳамчунин фаъолияти ташкилоти иттифоқҳои касабаи Тоҷикистон суханронӣ намуда, дар бобати пешравию мушкилоти ҷойдоштаи ташкилот изҳори назар ва барои рафъи камбудию норасоиҳо пешниҳодҳои судманд намуд.

     Ҳуқуқшиноси ниҳоди мазкур Ҳабибов Мустафо ва Исмоил Шарифов - сарнозири ҳифзи меҳнати кумита дар бораи нақши ташкилотҳои ибтидоии иттифоқҳои касабаи соҳа дар татбиқи талаботҳои Кодекси меҳнати Ҷумҳурии Тоҷикистон ва дигар санадҳои меъёрии ҳуқуқӣ оид ба меҳнат маърӯза намуда, тавсияҳои судманд пешниҳод доштанд.