БЕШ АЗ 7 МИЛЛИОН ГИРИФТОРОНИ COVID-19 ДАР ӋАҲОН

Созмони умумиҷаҳонии тандурустӣ (СУТ) иттилоъ медиҳад, ки то 10 июн дар дунё теъдоди гирифторони навъи нави коронавируси COVID-19 ба 7 миллиону 318 ҳазору 131 нафар расидааст. Танҳо шабонарӯзи гузашта шумораи мубталошудагон 121 ҳазору 751 нафарро ташкил додааст. Дар ин бора сомонаи РИА Новости ба истинод ба созмони мазкур хабар медиҳад.

Ба иттилои манбаъ дар баробари мубталошудагон сафи шифоёфтагон низ афзуда, то санаи мазкур 3 миллиону 602 ҳазору 601 кас аз ин беморї ӌон ба саломат бурдаанд. 413 ҳазору 648 тан вафот кардаанд.

Теъдоди аз ҳама зиёди гирифторони COVID-19 дар кишварҳои ИМА (2 045 549 нафар), Бразилия (742 084), Россия (485 253), Британияи Кабир (289 140), Испания (289 046), Ҳиндустон (276 146), Италия (235 561), Перу (203 736), Германия (186 516) ва Эрон (172 114) ба қайд гирифта шудааст. Ҳамоно дар ин кишварҳо теъдоди фавтидагон зиёд гуфта мешавад.