ВАЗОРАТИ МЕҲНАТ: 53 296 КОРҶӮ

Инчунин зикр гардид, ки дар шаш моҳи соли ҷорӣ шумори корҷӯяндагон ба 53 296 нафар расида, 33 ҳазору 159 нафар расман мақоми бекорро гирифтаанд. Дар доираи барномаи давлатӣ оид ба мусоидат ба шуғл бошад 32 ҳазору 137 нафар ба кор фаро гирифта шуданд.

Тағойзода қайд кард, ки вазорат рӯи лоиҳаи таъсиси мардикорбозор дар шаҳри Душанбе кор карда истодааст.

- Дар ин самт мо ба бозорҳои нави замонавӣ, ки дар онҳо махзани ягона бо маълумот дар бораи мутахассис, намуди хизматрасонӣ, музди кор ва дигар иттилоот дар бораи корҷӯ мавҷуд бошад, ниёз дорем, - таъкид кард вазир.