ШЕРМУҲАММАДИ ШОҲИЁН: ДАР ИНТИХОБИ КАДРҲО БА БОНУВОН АВЛАВИЯТ МЕДИҲЕМ

- Новобаста ба нишондиҳандаҳо имрӯз дар самти иҷроиши Фармони Президенти кишвар аз 3-юми декабри соли 1999 оид ба "Баланд бардоштани мақоми зан дар ҷомеа", дар мақомоти судӣ ҳоло ҳам масъалаҳои ҳалталаб ҷой доранд. Дар интихоби номзадҳо барои ишғоли вазифаҳои роҳбарӣ дар мақомоти судӣ пеш аз ҳама ба донишу малакаи кадрҳо аҳаммияти ҷиддӣ медиҳем, - мегӯяд Ш.Шоҳиён.

Тибқи омор айни замон дар мақомоти судӣ 66 нафар бону ба ҳайси судя фаъолият мекунанд. Аз ин теъдод 6 нафар дар вазифаи раиси суди шаҳру ноҳияҳо ва 1 нафар ба ҳайси раиси суди вилояти Хатлон кор мекунанд.