ДАВРИ НИҲОӢ ОҒОЗ ШУД

Даври ниҳоиро дирӯз   ҳаваскорону ҳунармандони халқии ноҳияи Файзобод дар Филармонияи давлатии Тоҷикистон ба номи Акашариф Ҷӯраев бо барономаи ҷолиби хеш ҳусни ифтитоҳ бахшиданд.  Пеш  аз шуруи барномаи консертӣ меҳмонону мухлисон аз дастранҷи заҳматкашони ноҳия,хусусан нақшу нигори ҳунармандон,косибону заргарон ва тарроҳону чеварон ба серӣ лаззат бурда,сипас тӯли бештар аз ду соат санъаткорон ҳунари худро пешкаши ҳозирин намуданд. Аъзои ҳакамон , ки ҳамагӣ ходимони шоёни санъат буданд , ба аксари номераҳои  консертӣ баҳои баланд, 10 холро сазовор дониста, дар маҷмуъ иштирокчиёни озмун ба 118,5 хол сазовор дониста шуданд, ки айни вакт ин баҳои аз ҳама баланд миёни  иштирокчиёни даври  нихоӣ ба ҳисоб меравад. Ҳамчунин чанде аз бахшҳои ҷолиби ҳунармандони  ноҳия  барои гулчини озмун пешниҳод гардиданд.