ФОИЗИ ҚАРЗИ СОҲИБКОРОНИ ЗАРАРДИДАИ БОЗОРИ САХОВАТИ КӮЛОБ ТО ЯК МУДДАТ ГИРИФТА НАМЕШАВАД

  Намояндаи бонки миллӣ дар минтақаи Кӯлоб Сафар Саидов иброз дошт, ки бонкҳо ба муштариёни аз сӯхтор зарардидаи худ аз бозори Саховат кӯмак намуда, фоизи қарзҳои пештар гирифтаашонро то ба як вақти муайян, яъне пурра ба истифода додани бозор ва нуқтаҳои фурӯши онҳо манъ мекунанд. Мӯҳлати пурраи манъи гирифтани фоизҳои бонкӣ баъди амри сарбонкҳо аз марказ маълум мешавад. Ҳамчунин, метавонанд аз бонкҳо боз қарзҳоро бо фоизи кам бигиранд ва фаъолияти минбаъдаи худро дар бозор идома бидиҳанд.

           Бо супориши раиси вилоят Гулмамадов бозори сӯхтаи Кӯлоб бояд то 21 март, яъне иди Наврӯз пурра ба истифода дода шавад.

  Раиси вилоят идораи тоҷикматлуботро супориш дод бозори сӯхтаро дар вақти муйаян сохта ба истифода бидиҳад.

  Фирӯз Шарифов  намояндаи ОХСУС бонк дар минтақаи Кӯлоб гуфт, ки новобаста ба зарар мо ҳама вақт ба мизоҷони худ  дасти мадад дароз карда, кушиш мекунем барояшон маблағҳои қарзии нав бидиҳем, то  фаъолияти тиҷоратиашонро  давом бидиҳанд ва аз ин мушкилӣ раҳоӣ ёбанд .