СОҲИБКОРЕ МЕХОҲАД БАРОИ 20 БОНУ ҶОЙИ КОР ФАРОҲАМ ОРАД

Барои расидан ба мақсади вай  Лоиҳаи бунёди маҷмааи таъмиру баҳрабардорӣ аз автомобилҳоро ба маблағи 147 000 доллари амрикоӣ  омода намуда, ба Кумитаи сармоягузорӣ ва амволи давлатии назди Ҳукумати Ҷумҳурии Тоҷикистон  пешниҳод кардааст. Ин бону орзуи онро дорад, ки  масъулин баъд аз баррасии ҳамаҷонибаи Лоиҳаи мазкур аз Фонди дастгирии рушди соҳибкорӣ, ки бо иқдоми Президенти кишвар, мӯҳтарам Эмомалӣ Раҳмон таъсис гардидааст, маблағи мушаххасеро барои фаъолият ҷудо мекунанд. Ҳамчунин, лоиҳаи мазкурро ба Дастгоҳи ичроияи Президент низ ирсол намудааст, то ба дарёфти гранти бебозгашти президентӣ, ки барои бонувони соҳибкор дода мешавад, мушарраф гардад.

- Қитъаи заминро Ҳукумати шаҳри Исфара  барои бунёди маҷмаа ҳанӯз соли 2005 бароям ҷудо карда буд, вале ман дар ин муддат бинобар як идда мушкилиҳо натавонистам корҳои сохтмониро оғоз бахшам, - иброз медорад Наҷот Исомаддинова. –  Ин маҷмаа мувофиқ ба ҳама талаботи меъёрҳои байналимилӣ, бо дарназардошти пешрафти рушди технологияи муосир бунёд хоҳад шуд. Дар чаҳорчӯбаи ин лоиҳа бунёди як коргоҳи дӯзандагӣ дар назар дошта шудааст, ки 20 нафар духтарон ва занони маҳал ба кори даромаднок ҷалб хоҳанд шуд. Ҳамзамон мехоҳам дар назди коргоҳ ошхона ва меҳмонхона бунёд кунам, ки дар сурати муваффақ шудан ба ин иқдом боз чанд тани дигар, аз ҷумла бонувон бо кор таъмин мешаванд.

Бояд мутазаккир шуд,  ки имрӯз дар муассисаи таъсиснамудаи Наҷот Исомаддинова дар маҷмӯъ 200 нафар кору фаъолият менамоянд.