Хатогӣ

• JLIB_DATABASE_ERROR_FUNCTION_FAILED

     Хамчунин вазири корҳои дохила аз эҳтимолияти ҳуҷуми полковники шӯришгар, Маҳмуд Худойбердиев ҳадс зад. «Ман дар бораи ҳуҷуми ӯ хабаре надорам, вале як бор ин корро кард, акнун эҳтимолияти ҳуҷуми дигараш низ вуҷуд дорад». Ба гуфти ӯ қариб тайи ду сол мешавад, ки кормандони мақомоти дохила дар низоми пурзӯр фаъолияти худро ба роҳ мондаанд.

     Дар мавриди парвандаи ҷиноии пурсари садои фарзанди Раиси Суди Олии Тоҷикистон вазир хабар дод, ки парвандаи ҷиноӣ нисбати ӯ бар асоси хулосаҳои экспертиза қатъ карда шуд. Далели қатъи парвандаро, вазир бар асоси экспертиза, ба он асоснок намуд, ки гӯё Фарҳод Абдуллоев аз ӯҳдаи идораи воситаи нақлиёт набаромада, ба содир кардани ҷиноят-пахш кардани шаҳрванд мувоҷеҳ шудааст.

     Инчунин дар нишасти матбуотии ВКД иттилоъ дода шуд, ки дар шаш моҳи соли 2011 аз хориҷ 374 ҷасади шаҳрвандони кишвар оварда шудааст. Ҳамчунин аз афзоиши ҷиноёт ва ҷинояткорӣ дар ин давра изҳори нигаронӣ шуд. Тибқи омори ин ниҳод дар шаш моҳи аввали сол ҷорӣ, дар муқоиса ба соли гузашта теъдоди ҷиноят 30, 6 фоиз ё 1975 ҳолат афзоиш ёфтааст.