КӮМАК БА МУЪТОДОНИ МАВОДИ МУХАДДИР

Дар ҳамин ҳол кумитаи байналмиллалии Салиби Сурх изҳор дошт, ки ба  муътодони маводи мухаддар дар Бадахшон кӯмак мекунанд. Ин кӯмак ба хотири паст кардани оқибатҳои нашъамандӣ ва ҷилавгирӣ аз бемориҳои гузаранда дар байни муътодон амалӣ мешавад,-изҳор дошт дар нишасти матбуотӣ Массимо Барра, президенти комиссияи доимии  федератсияи Салиби Сурх ва Ҳилоли Аҳмар. Вай гуфт, ки онҳо дар ҷараёни боздид аз Тоҷикистон, аз ҷумла бо раиси ВМКБ ва масъулини маркази накологӣ дар Хоруғ мулоқот карданд ва дар ин гуфтугӯҳо масоили густариши  кӯмаки Кумитаи Салиби Сурх ва Ҳилоли Аҳмарро ба маркази муътодон дар вилоят баррасӣ шудааст.

Ба гуфти Массимо Барро  Маркази наркологии Хоруғ дар мавриди ҷилавгирӣ аз бемориҳои гузаранда дар байни муътодон  фаъолиятҳои дуруст ва мақсаднокро ба роҳ мондааст. Аммо он чиз нигарон мекунанд, ки аз миқдори зиёди муътодони мухаддарот айни ҳол фақат 15 нафар ба навъи доруи ивазкунандаи мухаддарот бо номи метадон дастрасӣ доранд. Вай гуфт, ки Кумита барои бо  усули табобати метадон фаро гирифтани нашъамандони ашадӣ кӯмаки бештареро дар ихтиёри Маркази наркологӣ мегузорад.

Дар нишасти матбуотӣ ҳамчунин Фабио Патруно оид ба фаъолияти як Маркази табобатии наркологӣ дар Италия, ки дар он ҷо  бо усули метадон муътодони мухаддаротро муолиҷа мекунанд, нақл карда, гуфт, ки  ин марказ бо ташаббуси якчанд нафар ба фаъолият шуруъ карда, айни ҳол ба яке аз марказҳои намунавии табобати дар ҷаҳон табдил шуда, бештар аз 100 нафар мутахассис дар он ҷо кор мекунанд.

Роҳбари комиссия  дар хати аввали марз  бо Ағонистон қарор доштани Бадахшонро сабаби асосии  густариши нашъмандӣ дар минтақа мешуморад.