БОНУВОН СОҲИБИ ЗАМИН МЕШАВАНД

Мувофиқи омори пешниҳодкардаи муовини раиси Ҳукумати ноҳияи Восеъ, раиси комиссияи таъминоти оилаҳои эҳтиёҷманд ба қитъаҳои замини наздиҳавлигӣ дар ҷамоатҳои ноҳия - Нурулло Мирзоев дар ноҳия барои манзили зист ба оилаҳои эхтиёҷманд бо қарори раиси ноҳияи Восеъ таҳти рақами 333, аз 20.06.2011 « Дар бораи гирифтан ва ба мақомоти иҷроияи ҳокимияти давлатии ноҳияи Восеи вилояти Хатлон додани қитъаҳои замин» майдони 386,67 га ҷудо гардида, тақсим шудааст.

  Сармеъмори ноҳия О. Муқумов мегӯяд, ки дар шаш ҷамоати деҳоти ноҳия ба 3143 нафар оилаҳои эҳтиёҷманд майдони умумии 386,67 га замини лалмӣ ва ғайри корам барои сохтмони манзил ҳамчун замини наздиҳавлигӣ тақсим карда дода шуд. Дар ҷамоати Арал ба 660 оила майдони 80,71 га, дар ҷамаоти Гулистон ба 353 оила майдони 47,17 га, дар ҷамоати Меҳнатобод ба 692 оила майдони 72,17 га, дар ҷамоати Пахтаобод майдони 61,72 га ба 347 оила, дар ҷамоати Пахтакор майдони 53,02 га ба 361 оила, дар ҷамоати Тугарак бошад, майдони 71,88 га ба 710 оила тақсим карда дода шуд. Дар байни эҳтиёҷмандон 370 нафарашон омӯзгорон, духтурон ва 70 нафар кормандони ҳарбиву қударатӣ ҳастанд. Инчунин, занҳои аз шавҳарҳояшон ҷудо шудаву бо фарзандонашон дар хонаҳои падар зиндагӣ мекарда низ ҳастанд.

   Аз рӯи ҳисобҳои ғайрирасмӣ шумораи занҳои аз шавҳар ҷудо шудаву бе манзили зист монда, дар ноҳия хеле зиёд ҳастанд. Новобаста аз он ки қисмеро волидайн ва бародарон манзили зисту сарпаноҳ харида, таъмин кардаанду қисме худ ба муҳоҷирати меҳнатӣ рафта, бо заҳмати зиёд соҳиби манзили зист шуданад. Ҳанӯз ҳам шумораи чунин занҳои мушкилоти манзил дошта, дар ноҳия зиёд мемонад.