ТАВСЕАИ МИНБАРИ ШУМО

Дарк кардӣ, ки пешин 6-8 матлаби бештаре барои мутолиа пешкашат гардида. Ин ба хотири боз ҳам талоши бештар барои тавсеаи минбари шумо, хонандагон аст. Миқдори 8-саҳифа афзудани маҷаллаи шумо ба хотири фарогирии бештари бурду бохти зиндагии бонувони кишвар, иттилои фарохтаре аз рӯзгори занони кишварҳои дигар ва фаро гирифтани ҳаёти сиёсӣ, иқтисодӣ, иҷтимоӣ ва фарҳангии кишвари азизамон, тасмимгирӣ шудааст.
     Хонандаи азиз, борҳо изҳори нигаронии занони деҳотро дар мавриди нархи гарони обунаи маҷалла шунидаву тадбирҳо ҷустаем, то имкони дастрасии он барои мухлисони арҷмандамон осон бигардад. Ва новобаста аз болоравии нархҳо тасмим гирифтем бо зам намудани саҳифаҳо, майдони инъикоси рӯзгори шуморо васеъ намуда, дар солҳои баъдӣ роҳҳои дигари кӯшиши арзон кардани нархи обунаро пайдо намоем ва ниёзҳои иттилоотии ҳаводоронамонро бештар бароварда созем.
     Хонандаи гиромӣ, барои афзудани маърифату бохабар будан, огаҳиву рушд ёфтан, фаъолу замонавӣ гаштану дар ҷараёни ҳаводиси ҷомеа будан, чизеро набояд дареғ дошт. Зеро қиматтарин ганҷи дунё донишу хирад аст. Донишу заковат рӯшангари роҳи инсонист. Бо умеди рушди маънавии бонувони азиз, дар хидмати иттилоърасонии шумо, пайи ҷустуҷӯйи тадобири муассиру пурманфиат ҳастем.