МОДАРИ САРБОЗ

Марзбон

Марзбонам,

Марзбони Каъбаи ишқам,

Марзбонам,

Марзбони ганӌи инсонӣ.

Кулбаи ман,

Қалъаи ном асту аз нанг аст,

Бо ҳаёву шарм меёрам нигаҳбонӣ.

Лашкари ман

Чӯӌаҳои навпаруболам,

Лонашон мушти ману сангар канори ман,

Чашми бад, бухлу ҳасадро теғ меёзам,

Такягоҳам номусу шон аст виқори ман.

Дар камин бо хандаи зебои тифлона,

Нозу шӯхӣ, қаҳру шангӣ дар бағал доранд.

Ғусаву дарду алам, ки душмани ӌонҳост,

Бар тирезу роғу марзи сина нагзоранд.

Марзбонам,

Модарам ман,

Марзбони номуси миллат,

Медиҳам навболаконро шаҳпари парвоз,

Мебаранд оину лаҳни тоӌикӣ ҳар кӯ,

Тифлакони ман кунун дар сурати сарбоз.

ШОҲОНА