Мурғбирён бо сабзавот

 Маҳсулоти зарурӣ:

Рони мурғ - 8 дона

Боимҷон– 1 дона

Кадуи сабз- 1 дона

Сабзӣ – 1 дона

Пиёз -1 дона

Қаламфури булғорӣ - 1 дона

Помидори майда (черри) – 500 г  

Равғани растанӣ – 100 мл

Намак ва кабудӣ

Тарзи таҳия:

Сабзавотро тоза мекунем. Кадуи сабзро чоркунҷа реза карда, боимҷонро ҳам на он қадар калон мебурем. Қаламфурро аз дигар маҳсулотҳо хурдтар мебурем. Боимҷон ва кадуи сабзро ба тоба андохта, сабзӣ ва пиёзро ба он илова менамоему дар 50 мл равған бирён мекунем. Сипас, қаламфури булғориро ҳам меандозем.

Ба дег 50 мл равғанро рехта, мурғро бо иловаи намаку зираворӣ бирён мекунем. Гӯшти қариб пухташударо бо обаш ба сабзавот мерезем. Помидорро ба онҳо ҳамроҳ карда ками дигар дар болои оташ мепазем.