МАНТУИ «ГУЛ-ХОНУМ»

Барои хамир:

Тухм - 1 дона;

Об – 300 мл;

Орд – 500 гр

Маҳсулоти дарунӣ:

Каду - 500 гр;

Пиёз - 500 гр;

Намак, мурч - мувофиқи табъ;

Равғани маска - 60 гр

Тарзи таҳия:

Хамирро чанд дақиқа дар яхдон мегузорем.

Каду ва пиёзро чоркунҷа реза карда, ба тоба каме равғани растанӣ рехта, каду ва пиёзро 3–5 дақиқа мезирбонем. Сипас, равғани маска, намак ва қаламфурро ба он илова мекунем.

Хамирро аз яхдон гирифта, тунук мекунем. Онро дароз-дароз мебурему дар ҳар як буридаи он аз маҳсулоти омодашуда мегузорем. Паҳлуи хамири буридаро ба паҳлуи дигар маҳкам карда, сипас аз канори дарози он мисли гули садбарг мепечонем ва ба болову поёнаш равған мемолем. Баъд аз ҷӯшидани об дар варақҳои мантупазак равған молида, мантуҳоро мечинем. Баъди 45 дақиқа болои мантуҳои омодашударо бо равғани маска ё кабудӣ оро медиҳем.

Таҳияи СУМАЯ