Кулчаҳои осетинӣ

Маҳсулоти зарурӣ:

Шир (ё об) – 0,5 л;

Орд – 4 истакон;

Намак ва шакар – 1 қошуқӣ;

Хамиртуруши хушк – 10 г;

Картошка – 1 кг;

Пиёз – 2 дона (миёна);

Панир – 600 г;

Маска – 50 г;

Равған – 2 қошуқ

Тарзи таҳия:

Ба шири гарм намак, шакар ва хамир турушро омехта, то андаке кафк кардан интизор мешавем. Ордро бехта, миёни онро каме сурох мекунем ва ширро мерезем. Хамир шӯрида, дар охир бо равған зувола мекунем ва дар ҷойи гарм мегузорем. Баъди расидан хамирро бори дигар зувола мекунем, то бори дигар дам кунад. Картошкаро пухта, полуда (пюре) мекунем, панирро аз турбтарошак мегузаронем ва пиёзро майда реза карда, намак пошида, хуб меомезем ва аз он се кулӯла омода месозем. Хамири расидаро се зуволача мегирем. Зуволаи хамирро тунук карда, мобайни он кулӯлаи картошкаро мегузорем ва канорҳои хамирро дар мобайн мисли халтача ҷамъ месозем. Рӯи варақи тафдон орд пошида, хамирро оҳиста-оҳиста мисли нон тунук ва мобайни онро каме сӯрох мекунем. Каме дам дода, дар ҳарорати 180 дараҷа аввал дар поён ва баъд дар болои тафдон мепазем. Ду кулчаи дигарро низ ба чунин тарз омода менамоем. Рӯи кулчаи тайёр маска молида, кулчаи дигарро мемонем, то ба ҳар се қабати кулчаҳо маска молида шавад. Баъди муддате кулчаҳо мулоим ва хушхӯр мегарданд.