Ҳалқакулчаҳои шоколадӣ

Маҳсулоти зарурӣ:

Орд – 450 г;

Тухм – 2 дона;

Кефир – 250 мл;

Ҷавҳари ванилин – 2 қатра;

Ковоккунандаи хамир – 1 қошуқча;

Шакар – 50 г;

Равған – 400 мл;

Намак – каме дар нӯги корд;

Барои ороиш:

Какао ва шакар – 3-қошуқӣ;

Равғани маска – 40 г;

Шир – 5 қошуқ;

Қандакҳои ороишӣ – 1 қошуқ

Тарзи таҳия:

Ордро бехта, ковоккунандаи хамир, шакар ва намакро бо он меомезем. Тухм, кефири гарм ва ҷавҳари ванилинро илова карда, хамири нарм мешӯрем. Андаке дам дода, сипас зуволаро 2–3 см тунук мекунем ва бо ёрии истакон гирд-гирд мебурем. Мобайни онҳоро бо ангушт сурохҳои калон мекунем. Ҳалқакулчаҳоро то тиллоранг шудан бирён мекунем.

Шакар, какао ва ширро меомезем ва дар оташи паст 3–5 дақиқа меҷӯшонем. Маскаро илова карда, мекобем ва аз рӯи оташ мегирем. Онро ба рӯи ҳалқакулчаҳо рехта, бо қандакҳо оро медиҳем.