Мантуи «Ассорти»

Маҳсулоти зарурӣ:

Гӯшт – 800 г;

Пиёз – 200 г;

Сирпиёз – 2 дандона;

Картошка – 300 г;

Барои хамир:

Орд – 500 г;

Тухм – 1 дона;

Равған – 3 қошуқ;

Оби гарм – 250 мл;

Намак – ½ қошуқча

Тарзи таҳия:

Тухм, намак ва равғанро омехта, орди бехтаро илова мекунем ва меомезем. Сипас, об андохта, 10–15 дақиқа хамир мешӯрем. Муддати 20–30 дақиқа зуволаро дам медиҳем.

Гӯшт, пиёз ва сирпиёзро майда реза карда, намаку мурч мепошем ва омехта мекунем. Картошка, қаламфури булғорӣ, сабзӣ ва кабудиро низ дар шакли чоркунчаҳои хурд реза мекунем.

Хамирро мисли тӯпчаҳои хурд-хурд ҷудо карда, ҳар кадомеро тунук мекунем (шаклан гирд-гирд бошанд). Қимаи тайёрро ба мобайн гузошта, болои ҳар кадоми онҳо чарбу мегузорем. Се гӯшаи онро дар марказ маҳкам мекунем. Канорҳои ҳар се гӯшаи хамирро боз ба ҳам мепайвандем. Ба ин сурат, манту мисли себарга шуда, дар дохили ҳар барг мисли ҷайб ковокӣ пайдо мегардад. Даруни ковокиҳоро бо сабзавоти реза пур мекунем. Сабзавот­ро метавон мувофиқи хоҳиш интихоб кард. Мантуҳоро муддати 20–30 дақиқа мепазем.