ДАСТРХОН

Маҳсулоти зарурӣ:

Гӯшти мурғ – 400 г;

Сирпиёз – 5 дандона;

Пиёз – 1 адад;

Шир – 0,5 истакон;

Сметана – 7 қошуқ;

Шибит, мурч, намак ва зиравориҳо – мувофиқи табъ

Тарзи таҳия:

Сирпиёзро зирбонда, гӯштро шаклан чоркунҷаи калон мебурем ва ба сирпиёз ҳамроҳ карда, то андаке зардчатоб шудан мепазем. Баъдан, шир, сметана, мурч, намак ва зиравориҳоро илова карда, муддати 5 – 7 дақиқа дам мепартоем.

Дар ин муддат дар тобаи алоҳида пиёзро то тиллоранг шудан таф медиҳем. Онро ба зирбаки аввалӣ ҳамроҳ карда, 5 дақиқа дам мепартоем. Шибитро реза карда, болои он мепошем ва то тайёр шудан дар ҳарорати паст мепазем.

Хӯриши «Тошканд»

Маҳсулоти зарурӣ:

Гӯшт – 350 г;

Турбча (редис) ё турб – 300 г;

Тухм – 3 адад;

Пиёз – 1 адад;

Равғани растанӣ – 1 қошуқ;

Сметана – 100 г;

Ҷаъфарӣ, кашнич, шибит, мурч ва намак – мувофиқи табъ

Тарзи таҳия:

Турбчаро пӯст карда, бо гӯшти обпаз ба шакли дарозрӯя мебурем. Пиёзро нимҳалқа реза карда, дар тобаи тафсон 1 қошуқ равған андохта, то тиллоранг шудан онро мезирбонем. Пиёзи бирёнро рӯи сачоқи коғазӣ мерезем, то аз равған ҷудо гардад. Кабудиҳоро шуста, каме хушк менамоем ва каме аз онро барои ороиш гирифта, боқимондаро майда реза мекунем. Ду тухми обпазро барои даруни хӯриш майда карда, яктоашро барои ороиш як сӯ мегузорем. Ҳамаи маҳсулотро ба зарфи чуқур андохта, сметана, мурч ва намак ҳамроҳ мекунем. Баъдан ҳамаи маҳсулотро хуб омехта, болояшро бо тухм ва кабудӣ оро медиҳем.

Таҳияи СИМИН