ХӮРИШИ «ҶАВОНӢ»

Маҳсулоти зарурӣ:

Гӯшти мурғ – 300 гр;

Тухм – 4 дона;

Занбӯруғ – 200 гр;

Бодиринг – 2 дона;

Майонез – 3 қошуқ

Тарзи таҳия:

Гӯшти мурғ, занбӯруғ, тухмро дар алоҳидагӣ обпаз мекунем. Сафедии тухмро аз зардияш ҷудо мекунем. Ва баъдан ҳамаи маҳсулотамонро дар алоҳидагӣ ба шакли чоркунҷа реза мекунем. Дар табақча қолаби махсус гузошта, аввал занбӯруғро мегузорем болояш майонез мемолем. Ҳамин тарз тамоми маҳсулотамонро қабат ба қабат мечинем ва дар охир зардии тухмро аз турбтарошак мегузаронем. Болои хӯришро вобаста ба завқ оро медиҳем.

ХӮРОКИ «ОИЛА»

Маҳсулоти зарурӣ:

Картошка - 6 дона;

Гӯшти мурғ – 400 г;

Сабзӣ – 2 дона;

Пиёз – 1 дона;

Орд - 2 қошуқ;

Каме равған, намак ва об 

Тарзи таҳия:

Гӯштро майда карда, дар равған мезирбонем. Баъдан пиёз, намак ва сабзии майдашударо ҳамроҳ менамоем. Картошкаро ҳалқавор реза карда, ду қошуқ ордро ба дег меандозем ва мекобем. То панаҳ шудани картошкаҳо ба дег об мерезем ва даҳони онро маҳкам мепӯшонем. Пас аз 25 дақиқа хӯроки шоми мо омода мешавад.