ТОРТИ «СОЛИНАВӢ»

Маҳсулоти зарурӣ:

Мураббо аз гелос - 1 истакон;

сметана - 1 кг;

шакар - 400 г;

об - 200 мл;

тухми мурғ - 5 дона;

орд - 200 г;

какао - 5 г;
           Маводи ковоккунанда - 1 қошуқча

Тарзи таҳия:

Тухмро бо шакар муддати 3 дақиқа лат мезанем. Баъд орд, об, маводи ковоккунанда ва какаоро ҳамроҳ менамоем. Донаҳои гелосро ҷудо намуда, ба хамир якҷоя мекунем ва дар қолаб рехта, дар ҳарорати 200 дараҷа мепазем. Бисквити пухташударо ба се қабати баробар ҷудо мекунем. Бо сметана қабатҳоро мечинем ва вобаста ба завқ тортро оро медиҳем.

ХӮРИШИ «2022»

Маҳсулоти зарурӣ:

Гӯшти мурғ - 300 г;

сабзӣ - 200 г;

пиёз - 100 г;

Тухми мурғ – 1 дона;

Панир - 200 г;

Майонез - 400 г;

чормағз - 100 г;

равғани растанӣ - 40 мл

Тарзи таҳия:

Гӯшти мурғ, сабзӣ ва тухмро обпаз менамоем. Пиёзро дар шакли чоркунҷа реза карда, бир­ён мекунем. Гӯшти мурғро ба шакли чоркунҷа реза намуда, тухму сабзӣ ва панирро аз турбтарошак мегузаронем. Дар лаълӣ қолаб гузошта, гирди онро барги салат мечинем. Маҳсулотамонро дар қолаб қабат ба қабат чида, майонез мемолем. Қабати болои хӯришро майонез молида, бо мағзи чормағз оро медиҳем.